Omsendskrywe - Uitreksel 9|2021

Covid-19-getalle in Gauteng en in ons gemeenskap is ongelukkig besig om te styg. In die lig hiervan en die onlangse direktiewe van die departement, wat reis na ander skole verbied, is alle sport- en kultuuraktiwiteite teen ander skole opgeskort met die uitsondering van enkele aanlyn skaakwedstryde. Vir meer detail rondom buitemuurse aktiwiteite en oefeninge verwys na die gedeelte daaroor later in die skrywe. Ons glo dat ons nader aan die einde van die kwartaal meer duidelikheid rakende buitemuurse aktiwiteite sal hê en hoop dat die afname in getalle, wedstryde in die derde kwartaal moontlik sal maak. Geluk aan al die leerders en ouers met die positiewe reaksie en entoesiasme oor ons avontuurklub-aktiwiteite wat onlangs geloods is. Die tweede Drakensberg-Mont-aux-Sources-ekskursie, beide roei geleenthede op die Oranjerivier asook die duiktoer na Sodwana was vinnig vol bespreek. Ek glo leerders is baie veiliger in die natuur. Vervolgens wil ek ouers aanmoedig om jul kinders op die onderskeie graadkampe (insluitend die Odyssey) gedurende September te stuur. Daar sal aan alle Covid-19-protokolle voldoen word. Meer inligting rondom die kampe volg ook later in die nuusbrief. Ek sou baie graag ouers voor die vakansie weer vir ‘n Koffie-met-Carel-sessie op kampus verwelkom het, maar as gevolg van die huidige inperkingsregulasies sal ons, ons familiebyeenkoms ongelukkig tot die derde kwartaal moet uitstel. Die Junie-eksamen begin reeds volgende Saterdag. Ek hoop al die leerders is reeds bewus daarvan en het reeds begin studeer of minstens begin beplan om te studeer. Dit is baie belangrik dat julle kinders al hulle vraestelle skryf, vergewis julle dus van die besonderhede rakende die skryf van vraestelle hieronder veral in die geval van leerders wat moet isoleer. Be safe, be smart, be kind. Dr. Tedros Adhanom Ghebreyesus, direkteur-generaal van die WGO

Boodskap van ds. Teodore van der Spuy.

Boodskap van die hoof, dr. Carel Kriek.

Boodskap van die graadhoofde. 

Graad 8, graad 9, graad 10, graad 11 & graad 12.

1 Ashford Street, Midstream Estate | college@midstreamcollege.co.za | 012 661 2341