Afrikaans Redenaars

Hy wat probeer oortuig moet sy vertroue plaas, nie in die regte argument nie, maar in die regte woord. Die krag van klank was nog altyd groter as die krag van sin.
— Joseph Conrad (vrye vertaling)

Redevoering is ‘n vaardigheid wat enigeen kan bemeester. ’n Ieder en ’n elk kan leer hoe om te redeneer en hom- of haarself voor ’n gehoor te handhaaf.

Redenaars by Midstream College het die afgelope dekade van krag tot krag gegaan en ons is ontsettend trots op ons leerders.

Hiér bied ons leerders die geleentheid om hul standpunt met selfvertroue en oortuiging te stel.

ATKV-REDENAARS: VOORBEREID

Die temas vir volgende jaar se ATKV-voorbereide redenaarskompetisie is bekendgemaak. Indien jy graag aan die kompetisie wil deelneem, MOET jy aan die Interne Redenaars – Voorbereide Toespraakkompetisie wat aan die begin van Februarie gaan plaasvind, deelneem. Die top 6 leerders vir juniors (grade 8 & 9) en die top 6 leerders vir seniors (grade 10 – 12) sal dan na die 1ste ronde van die ATKV-redenaarskompetisie by Hoërskool Menlopark, deurdring. Indien jou moedertaal Afrikaans is, neem jy aan die Huistaalafdeling deel. Indien Afrikaans NIE jou moedertaal is nie, maar jy dit wel kan praat, neem jy aan die Addisionele taalafdeling deel.

Temas vir Voorbereid: Afrikaans Huistaal en Addisionele taal:

1. INTERNE REDENAARSKOMPETISIES

Met hierdie kompetisie bied ons leerders die geleentheid om in Afrikaans (hetsy voorbereid of onvoorbereid) te redeneer. Na afloop van die kompetisie word ‘n algehele junior en senior wenner in die Afrikaans Voorbereid en Afrikaans Onvoorbereid aangewys.

Indien ‘n leerder aan eksterne redenaarskompetisies wil deelneem, moet hy/sy aan die interne redenaarskompetisies wat in Januarie/Februarie plaasvind, deelneem.

Ons moes noodgedwonge ons Interne Redenaarskompetisies en Internal Orator Competitions herskeduleer. Die nuwe datums is as volg:

English Impromptu:           15/2 @ 14:15

English Prepared:              17/2 @ 14:15

Afrikaans Onvoorbereid: 16/2 @ 14:15

Afrikaans Voorbereid:      18/2 @ 14:30 (ONLY 2021 ATKV THEMES)

Leerders skryf hulle name in ‘n tydgleuf wat hulle pas vir bogenoemde datums en tye. Hierdie lyste vir die onderskeie kompetisies sal teen Vrydag 5/2 onderskeidelik op me de Bod SLEGS AFRIKAANS (E11) en me Page SLEGS ENGELS (E15) se klasdeure wees. Bring asb jou eie pen saam.

Meer volledige inligting sal op klasse se WhatsApp-groepe en grade se Global Graadgroepe gelaai word.

Leerders mag aan een of meer van die kompetisies deelneem. Indien jy in aanmerking wil kom vir eksterne redenaarskompetisies, moet jy egter aan die die interne kompetisie(s) deelneem.

Vir meer inligting re Afrikaans redenaars, kan leerders Me de Bod kontak in E11 / via epos:  sadebod@midstreamcollege.co.za OF

Me Page in E15 / via pos: cpage@midstreamcollege.co.za

2. GAUTENG-NOORD VAN HUYSSTEENS ORATORSFEES

Skole skryf hulle beste sprekers en spanne vir die kompetisie in. Inskrywings geskied per graad en per taal. Na afloop van die eerste ronde word skole in kennis gestel van die beste drie spanne of individue in elke kategorie wat na die finale ronde deurdring. Die algehele wenners in elke kategorie word dan tydens ’n luisterryke geleentheid aangekondig.

3. ATKV-REDENAARSKOMPETISIE

Die ATKV bied ‘n landwye redenaarskompetisie vir beide Afrikaans Huistaal en Afrikaans Addisionele taalsprekers aan. Midstream College neem in die Gauteng-Noordstreek deel. Na afloop van die eerste ronde dring leerders deur na die halfeindronde waar die wenner(s) in elke provinsie aangewys word. Hierdie leerders word dan na die finaal wat jaarliks by een van die ATKV se gesogte vakansieoorde gehou word, uitgenooi.

4. OPPIE-TONG-AF-REDENAARSKOMPETISIE

Hierdie kompetisie vind in die derde kwartaal plaas.

Bo en behalwe die voorbereide en onvoorbereide afdelings, bied hierdie kompetisie ook ‘n vermaaklikheidstoespraak- en ‘n motiveringstoespraakafdeling aan.

Raadpleeg die Midstream-dagboek vir kompetisiedatums.

Indien u enige verdere navrae rakende Afrikaanse redenaarskompetisies het, is u welkom om die Afrikaans redenaarsorganiseerder, me Sharon de Bod sadebod@midstreamcollege.co.za of die kultuurhoof, dr Steyn de Bod sdebod@midstreamcollege.co.za , te kontak.